1 ഭാഗ്യനാട്ടിൽ പോകും ഞാൻ
എന്‍റെ ഭാഗ്യനാട്ടിൽ പോകും ഞാൻ
ഭാഗ്യനാട്ടിൽ ചെന്നു ശുദ്ധരോടൊത്തു
ഞാൻ യേശുവേ വാഴ്ത്തീടുമേ-ഭാഗ്യ

2 മായ ഇമ്പം വിടുന്നേ-എന്‍റെ
ലോക സുഖങ്ങളെല്ലാം നായകനാം
എന്‍റെ മന്നനെ ഓർത്തു ഞാൻ
തൻ തിരുനാമത്തിനായ്;- ഭാഗ്യ..

3 സ്വർഗ്ഗഭാഗ്യമോർക്കുമ്പോൾ-എന്‍റെ
ഉള്ളമാനന്ദിക്കുന്നേ
തുള്ളിക്കളിച്ചെന്‍റെ സന്തോഷരാജ്യത്തിൽ
വേഗം ഞാൻ ചേർന്നിടുമേ;- ഭാഗ്യ..

4 ഓരോ ദിവസവും ഞാൻ-എന്‍റെ
പ്രിയനെ നോക്കി ക്കൊണ്ട്
നേരായ പാതയിൽ സേവനം ചെയ്തു
തൻ മാർവ്വോടണഞ്ഞീടുമേ;- ഭാഗ്യ..