എന്നെ കരുതും എന്നും പുലർത്തും
എന്‍റെ ആവശ്യങ്ങളെല്ലാം അറിയും
ദുഃഖ നാളിൽ കൈവിടാതെ
തന്‍റെ ചിറകിൻ നിഴലിൽ മറയ്ക്കും

ആശ്രയിപ്പാൻ എനിക്കെന്നും
സർവ്വശക്തൻ കൂടെയുണ്ട്
തളരാതെ മരുഭൂവിൽ
യാത്ര ചെയ്യും പ്രത്യാശയോടെ(2)

അനർഥങ്ങൾ ഭവിക്കയില്ല
ബാധയോ എന്നെ തെടുകയില്ല
പാതകളിൽ ദൈവത്തിന്‍റെ
ദൂതന്മാർ കരങ്ങളിൽ വഹിക്കും:-

രാത്രയിലെ ഭയത്തെയും
പകലിൽ പറക്കും അസ്ത്രത്തെയും
ഇരുളതിലെ മഹാമാരി
സംഹാരത്തെയും ഞാൻ പേടിക്കയില്ല;-