കർത്തൃകാഹളം വാനിൽ കേൾക്കാറായ്
തന്‍റെ കാന്തയെ ചേർത്തിടുവാൻ
ഒരുങ്ങിനിൽക്കാം തിരുസഭയെ
മണവാളൻ എഴുന്നെള്ളാറായ്

ഒരുങ്ങിക്കൊൾക ഒരുങ്ങിക്കൊൾക
നിന്‍റെ ദൈവത്തെ എതിരേല്ക്കാൻ ഒരുങ്ങിക്കൊൾക

ലോക ഇമ്പങ്ങൾ വെറുത്തുനീങ്ങാം
ആത്മശക്തി പുതുക്കി നിൽക്കാം
ആദ്യസ്നേഹത്തിൽ മടങ്ങി വരാം
മണവാളൻ എഴുന്നെള്ളാറായ് (2) ഒരുങ്ങി…

ജാതി ജാതിയോടു പോർവിളിക്കുന്നു
യുദ്ധഭീതികളും മുഴങ്ങിടുന്നു
മാറാരോഗങ്ങൾ ഹാ തീരാവ്യാധികൾ
മണവാളൻ എഴുന്നെള്ളാറായ് (2) ഒരുങ്ങി.

കരിന്തിരികൾ മുറിച്ചു മാറ്റാം
പാത്രങ്ങളിൽ എണ്ണ നിറയ്ക്കാം
ഉണർന്നിരിക്കാം തല ഉയർത്താം
മണവാളൻ എഴുന്നെള്ളാറായ് (2) ഒരുങ്ങി…