ശ്രീയേശു നാമം അതിശയനാമം 
ഏഴയെനിക്കിമ്പനാമം

1) എല്ലാ നാമത്തിലും മേലായ നാമം 
   ഭക്തജനം വാഴ്ത്തും നാമം 
   എല്ലാ മുഴങ്കാലും മടങ്ങും തന്‍ തിരുമുമ്പില്‍ –
   വല്ലഭത്വം ഉള്ള നാമം – 2

2) എണ്ണമില്ലാപാപം എന്നില്‍ നിന്നും നീക്കാന്‍ – 
   എന്‍ മേല്‍ കനിഞ്ഞ നാമം 
   അന്യനെന്ന മേലെഴുത്തു എന്നേയ്ക്കുമായ്
മായ്ച്ചു തന്ന ഉന്നതന്‍റെ വന്ദ്യ നാമം

3) പാപപരിഹാരം പാതകര്‍ക്കു നല്‍കാന്‍ 
   പാരിടത്തില്‍ വന്ന നാമം 
   പാപമറ്റ ജീവിതത്തിന്‍ മാതൃകയെ കാട്ടിത്തന്ന – 
   പാവനമാം പുണ്യനാമം